Endurnýjun

Í dag fæ ég nýjan hund, á morgun nýjan bíl og í næstu viku nýtt fellihýsi.  Vona að kallinn fari ekki að skipta mér út fyrir nýja:-)

 

ps. þetta innlegg er sett inn til þess að vera ekki með auða viku, en að meðaltali erum við að setja inn nýjan póst einu sinni í viku.  DJÖFULL ERUM VIÐ LÉLEGAR!

Gleðilegt sumar!

ps2: hægt að sjá hver setur inn mest – neminn er kominn uppfyrir húsfrúnna – taka sig á núna stelpur.

Fimmtán!

Að hugsa sér. Á þessum fallega degi á heimasætan 15 ára afmæli. Í tilefni dagsins býður hún nokkrum vinkonum í smákökur og te. Og ég get ekki lýst því hvað ég er fegin að hún fetar ekki í fótspor mín en ég hélt víst ekki alveg eins huggulegt afmælisboð…

Nöldur dagsins

Mér finnst makkarónugrautur asnalegur og vondur matur. Ég sé ekki mun á því að éta makkarónur með mjólk og kanil, spaghetti með mjólk og kanil eða pastaslaufur með mjólk og kanil.

Þetta var nöldur dagsins.

Góðar stundir.

Afleysingamaður vikunnar

Skondin saga af skemmtilegum misskilningi:

Í vikunni var ákveðin stúlka sem við þekkjum Víkari vikunnar.  Hún sendi kynninguna á tengdamóður sína sem bjó á stúdentsárum sínum í Danaveldi.  Hún sá fyrirsögnina “Víkari vikunnar ” og tengdi það strax við danska orðið vikar ( vonandi skrifað rétt danska kona) sem á að þýða afleysingarmaður.  “En skemmtilegt, tengdadóttirin afleysingarmaður vikunnar”   Henni fannst þetta alveg passa þar sem tengdadóttirin hafði verið að ræða við hana fyrir stuttu síðan að það væri á planinu að leysa af á sínum heimaslóðum í sumar og hélt að allir sem kæmu í afleysingu fengju kynningu á heimasíðu bæjarins   Hún hafði ekki hugmynd um að heimafólkið kallaði sig Víkara …………………hehehehehehe.

Bjakk

Ég vaknaði, teygði úr mér og kveikti mér í sígarettu uppi í rúmi. Þá mundi ég allt í einu eftir því að litla barnið lá sofandi við hliðina á mér og það hefði nú kannski ekki gott af óbeinum reykingum.

Jamm þetta dreymdi mig í nótt. Einhverjir draumaráðningarsérfræðingar í hópnum?