Fundur í kvöld

Minni á fund suðursveitarinnar í kvöld kl. 20 vestast í bænum.  Fulltrúi vestursveitarinnar mætir með slúðrið að vestan.

Heitt á könnunni og á diskum.

Tonlistargetraun …

Jæja, nú reynir á minni ykkar!

S.l. vetur var endurútgefið lag sem Óðinn Valdimarsson gerði frægt hér um árið; ég er kominn heim.  Það voru annars vegar Bubbi og Björn Jörundur og svo Siggi í Hjálmum sem gáfu þetta lag út aftur.

Þetta lag kemur fyrir í þekktu atriði í enn þekktari íslenskri bíómynd og þá í flutningi Óðins; spurningin er því: hvað heitir myndin og bónusinn – í hvaða atriði er þetta lag spilað?

Deig

Í stað þess að missa vitið yfir B&B í morgun hrærði ég í skúffuköku til að gleðja bónda minn. Eftir að kakan var komin í ofninn hreinsaði ég hrærurnar og sleikjuna vandlega og af bestu lyst. Og á meðan velti ég því fyrir mér hvort fullorðnar konur éti deig svona almennt. Ég hef til dæmis aldrei séð mömmu borða deig. Er ég barn í líkama konu?

Upp með fjörið!

Jæja kvensur, það gengur ekki að láta síðuna volast niður. Þið sem nennið ekki að skrifa verðið allavega að kommenta! Og svo heimta ég kvenfjelagsfund hér á höfuðborgarsvæðinu sem fyrst. Hjól kvenfjelagsins mega ekki hætta að snúast.

Húsmóðir dauðans …

Gríshildur talar um það á síðunni sinni að nú sé hægt í kreppunni að kaupa hjörtu í raspi á sérstöku tilboðsverði í Bónus – get ekki sagt að það heilli en;

Við dóttirin fórum í gær og versluðum lambaskrokk í sláturhúsinu.  Keyptum 3 kg af lifur með, enda bara á 140 kr/kg; SVVOOOOO hagsýnar!

Þegar heim var komið þurfti að pakka kjötinu í poka og svo í frysti.  Hluti af súpukjöti var óætt vegna fitu; hvað gerir maður þá?

Nú auðvitað 2 kg af kæfu, en ekki hvað??  Ég get svarið það að mér fannst ég myndalegri en húsfrúin í gær þegar ég var að mauksjóða og mauka kjöt og lauk; en það tókst vel.  (reynið að toppa þetta, Bóndinn má það samt ekki veit að hún kann að búa til sviðasultu og slátur)

Þá vitið þið það, í næstu heimsóknum verður ekki boðið upp á kjúklingasúpur og dillonskökur, bara lifrarpottrétt og brauð með kæfu (neminn náði síðustu almennilegu heimsókninni….)

Og verið alltaf velkomnar

Vináttan mikilvæg á þessum tímum.

Fékk þetta sent í pósti í dag :

Gulli og perlum að safna sér,
sumir endalaust reyna,
vita ekki að vináttan er,
verðmætust eðalsteina.

Gull á ég ekki að gefa þér
og gimsteina ekki neina.
En viltu muna að vináttan er
verðmætust eðalsteina.
Höf: Hjálmar Freysteinsson, lækni og hagyrðing á Akureyri.